skip to Main Content

Актуальная информация

Браття і сестри!

За благословенням Архієпископа Філарета
просимо Вас приєднатися до молитви по соглашенію.

 Молимося щоденно в 12:00 і (або) в 22:00. 

Во имя Отца, и Сына и Святаго Духа. Аминь.

Господи Иисусе Христе, Сыне Божий, молитв ради Пречистыя Твоея Матере преподобных и богоносных отец наших и всех святых, помилуй нас. Аминь.

Слава Тебе, Боже наш, слава Тебе.

Царю Небесный … Трисвятое. Пресвятая Троице … Отче наш … Господи, помилуй (12 раз). Слава, и ныне… Приидите, поклонимся … (тричі).


Молитва святому Михаилу Архангелу 

Господи Боже Великий Царю, Безначальный!

Пошли, Господи, Архангела Твоего Михаила на помощь рабом Твоим Архиепископу Филарету и всему духовенству Львовской епархии, и всем верным чадам Церкви Твоей изъяти нас от враг наших видимых и невидимых.

О, Господень Михаиле Архангеле! демонов сокрушителю: запрети всем врагам борющимся с нами, сотвори их, яко овцы и сокруши их, яко прах пред лицем ветра.

О, Господень Великий Архангеле Михаиле! Шестокрылатых первый княже и воеводо небесных сил — Херувимов и Серафимов. О, угодный Михаиле Архангеле, буди нам помощник во всех обидах, в скорбях, печалях; в пустынях, на распутьях, на реках и на морях — тихое пристанище. Избави нас, Великий Михаиле Архангеле, от всяких прелестей диавольских, егда услыша нас рабов Господа нашего, молящихся тебе и призывающих тебя и призывающих имя твое святое: ускори на помощь нам и услыши молитву нашу.

О, великий Архангеле Михаиле! Победи вся противящееся нам заступничеством Пресвятыя Богородицы, силою Честнаго и Животворящаго Небеснаго Креста Господня и святых апостолов, святаго пророка Божия Илии, святаго равноапостольнаго князя Владимира, святителя Николая Чудотворца, святаго великомученика Георгия Победоносца, святой великомученицы Варвары, святых великомучеников Никиты и Евстафия, святаго Андрея юродиваго,(*) преподобных отец и святых мучеников, святителей и всех святых Небесных сил. Аминь.


МОЛИТВА ПО СОГЛАШЕНІЮ 

Господи, Иисусе Христе, Сыне Божий, Ты бо рекл еси пречистыми усты Твоими: «Аминь глаголю вам, яко аще двое от вас совещаются на земли о всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их». Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя даруй нам рабом Твоим (поминаємо імена тих, хто молиться по соглашенію),  согласившимся просить Тя, исполнения нашего прошения:

Укрепити, умудрити и защитити от всякого злаго обстояния Архиепископа Филарета и все духовенство Львовской епархии, и всех верных чад Церкви Твоей, сохранити храмы наши в чистоте и истине.

 Но обаче не якоже мы хотим, но якоже Ты. Да будет во веки воля Твоя. Аминь. 


Достойно есть…. Слава, и ныне: Господи, помилуй (трижды). Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых, помилуй нас. Аминь. 

* В молитву можна додати своїх угодників

Наверх