Читаємо молитву по соглашенію щодня: о 12-00 і (або) о 22-00.

СЛОВО НАСТОЯТЕЛЯ: сьогодні від нашої молитви в значній мірі залежить майбутнє нашої Церкви і нашої країни.

Можна сказати — ми вступаємо в битву з духами злоби піднебесними. Тож будьмо уважними, постійними і невідступними в нашій молитві!

            Во имя Отца, и Сына и Святаго Духа. Аминь.

         Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых, помилуй нас. Аминь.

         Слава Тебе, Боже наш, слава Тебе.

         Царю Небесный … Трисвятое. Пресвятая Троице … Отче наш … Господи, помилуй (12 разів). Слава, и ныне… Приидите, поклонимся … (тричі). 

Молитва святому Михаилу Архангелу 

Господи Боже Великий Царю, Безначальный!

Пошли, Господи, Архангела Твоего Михаила на помощь рабом Твоим — духовенству и прихожанам нашего Свято-Троицкого храма и всем верным чадам Церкви Твоей — изъяти нас от враг наших видимых и невидимых.

О, Господень Михаиле Архангеле! Демонов сокрушителю: запрети всем врагам борющимся с нами, сотвори их, яко овцы и сокруши их, яко прах пред лицем ветра.

О, Господень Великий Архангеле Михаиле! Шестокрылатых первый княже и воеводо небесных сил — Херувимов и Серафимов. О, угодный Михаиле Архангеле, буди нам помощник во всех обидах, в скорбях, печалях; в пустынях, на распутьях, на реках и на морях — тихое пристанище. Избави нас, Великий Михаиле Архангеле, от всяких прелестей диавольских, егда услыша нас рабов Господа нашего, молящихся тебе и призывающих тебя и призывающих имя твое святое: ускори на помощь нам и услыши молитву нашу.

О, великий Архангеле Михаиле! Победи вся противящееся нам заступничеством Пресвятыя Богородицы, силою Честнаго и Животворящаго Небеснаго Креста Господня и святых апостолов, святаго пророка Божия Илии, святаго равноапостольнаго князя Владимира, святителя Николая Чудотворца, святаго великомученика Георгия Победоносца, святой великомученицы Варвары, святых великомучеников Никиты и Евстафия, святаго Андрея юродиваго,* преподобных отец и святых святителей, мучеников  и всех святых Небесных сил. Аминь.

МОЛИТВА ПО СОГЛАШЕНІЮ 

Господи, Иисусе Христе, Сыне Божий, Ты бо рекл еси пречистыми усты Твоими: «Аминь глаголю вам, яко аще двое от вас совещаются на земли о всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их».

Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабом Твоим (поминаємо імена тих, хто молиться по соглашенію) и всем, молящимся с нами,  согласившимся просить Тя, исполнения нашего прошения:

Сохранити Святую Церковь Православную, во всем мире пребывающую, и нашу Украинскую Православную Церковь, и храм наш от разделения и расколов, от вражды и нестроений. Ты бо рекл еси, Господи, якоже созиждеши Церковь Твою Святую, и врата адовы не одолеют ея даже до скончания мира.

Укрепити, умудрити и защитити от всякого злаго обстояния Митрополита Онуфрия, священноначалие и все духовенство, и всех верных чад Церкви Твоей, сохранити храм наш, духовенство и прихожан в чистоте и истине. 

 Но обаче не якоже мы хотим, но якоже Ты.  Да будет во веки воля Твоя. Аминь. 

Молитва во время губительного поветрия и смертоносныя заразы

Боже Великий и Вышний, Благоутробный и Человеколюби́вый Владыко, услыши нас недостойных рабов Твоих, во множестве милости Твоея́ и низпосли́ нам помощь Твою́ во время нашествия болезни губительныя на род человеческий, Твоею Кровию искупленный.

Вемы Господи, яко согрешихом пред Лицем Твоим и грехом нашим несть числа́. Но умилосердися и отврати́ от нас гнев Твой праведный на ны движимый. Не прогневайся на ны зело́, Ты бо рекл еси́ , яко радость бывает на небеси́ о еди́ном грешнице кающемся. Приими́ ныне и наше покаяние, слезы и смиренныя молитвы возносимыя из глубины́ сердец наших пред святым олтарем Твоим.

Отче щедрот, Боже всякого утешения, укрепи́ ны молитвами Преблагословенныя Владычицы нашея Богородицы, силою Честнаго и Животворящего Креста́ , святаго великомученика и целителя Пантелеимона, святителя Луки, исповедника Крымскаго, святых врачей и целителей наших: Агапита, Дамиана, Ипатия Печерских и Всех святых земли́ нашея и прекрати́ болезненное поветрие и отжени́ от нас всякую болезнь и немощь, да избавльшеся от всякия напа́сти Рукою Твоею крепкою, поработаем Ти со всяким благодарением. Да яко и ныне причащающеся Твоего́ неизглаголаннаго Человеколюбия, поем и славим Тя, Творящаго великая и чудная, славная же и изрядная.

Яко Ты еси́ Источник исцелений, Боже наш, и Тебе́ славу возсылаем, Отцу́ и Сыну, и Святому Духу, ныне и присно, и во веки веков. Аминь.

 Но обаче не якоже мы хотим, но якоже Ты.  Да будет во веки воля Твоя. Аминь. 

Достойно есть… Слава, и ныне: Господи, помилуй (тричі). Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых, помилуй нас. Аминь. 

* В молитву можна додати своїх угодників

МОЛИТВА О МИРЕ В УКРАИНЕ
Владыко Вседержителю, Святый Царю. Призри с небесе и виждь, како враждуют людие земли нашея и замышляют друг на друга суетное и злобное. О, Многомилостиве! Прости грехи и беззакония наша, ихже ради многия скорби, беды и устрашения приидоша на ны. Благодатию Пресвятаго Духа ороси любовию изсохшия сердца людския, тернием самолюбия, ненависти, зависти, злобы, вражды, лукавства и иных беззаконий поросшия, да возрастят горящую к Тебе и братиям своим любовь, и ею да будут истреблены вси распри, раздоры, разделения во Отечестве нашем.
Усердно молим Тя: мир державе нашей даруй, Церкви Твоей и всем людем земли нашея. Ты бо еси Царь мира и мира Твоего несть предела и Тебе слава и благодарение и поклонение от всех да возсылается, ныне и присно и во веки веков.

МОЛИТВА БЛАЖЕННЕЙШЕГО МИТРОПОЛИТА ОНУФРИЯ О ПРИМИРЕНИИ
Господи, защити и утверди, и укрепи, и разшири́, и умножи, и умири́ Церковь Твою Святую Соборную и Апостольскую, и непреобориму адовыми враты́ во веки сохрани; раздирание Церквей утиши́, шатания языческая угаси́, и ересе́й возстания скоро разори и искорени, и в ничтоже силою Святаго Твоего Духа обрати.
Благочестивыя и истинно верующия православныя архиереи, иереи, монашествующия, миряны на брань против всякаго врага и супостата воздвигни.
Погуби Крестом Твоим борющия нас, обрати к Тебе сердца враг наших, и ежели невозможно иже ожесточенным обратитися, то положи преграду зла их и защити от них избранных Твоих. Аминь.

МОЛИМСЯ О ПРЕДСТОЯТЕЛЕ!
Иисусе, сило непобедимая; Иисусе, милосте безконечная. Иисусе, красото пресветлая; Иисусе, любы неизреченная.
Иисусе, Сына Бога Живаго;
Иисусе, помилуй нас грешных!

О, пресладкий и всещедрый Иисусе!
Приими ныне малое моление сие наше, якоже приял еси вдовицы две лепте, и сохрани достояние Твое, и Предстоятеля нашего, Блаженнейшего митрополита Онуфрия от враг видимых и невидимых, от нашествия иноплеменник, от недуга и глада, от всякия скорби и смертоносныя раны, и грядущия изми муки всех, вопиющих Ти: Аллилуиа, аллилуиа, аллилуиа!

 МОЛИТВА ВО ВРЕМЯ ЭПИДЕМИИ:
«Господи Боже наш! Услышь с высоты святаго Твоего Престола нас, грешных и недостойных рабов Твоих, благость Твою грехами своими прогневавших и милосердие Твое удаливших, и не взыскивай с рабов Твоих, но отврати страшный гнев Твой, справедливо нас постигший, прекрати пагубное наказание, удали страшный меч Твой, невидимо и безвременно нас поражающий, и пощади несчастных и слабых рабов Твоих, и не обрекай на смерть души наши, в покаянии прибегающие с истомленным сердцем и со слезами к Тебе, Богу Милосердому, мольбам нашим внимающему и перемену подающему. Ибо Тебе (одному только) принадлежит милость и спасение, Боже наш, и Тебе славословие приносим, Отцу и Сыну и Святому Духу, ныне и присно и во веки веков. Аминь.